Yunanıstanın ətraf mühit və energetika naziri Panayotis Lafazanis bildirib ki, Yunanıstan höküməti Trans Adriatik qaz boru (TAP) və İGB (Yunanıstan-Bolqarıstan) kəmərlərinin çəkilməsini dəstəkləyir və onların tezliklə başa çatmasına yardım edəcək.
Əvvələr yunan naziri bildirimişdi ki, Yunanıstan höküməti TAP layihəsini dəstəkləyir, ancaq ölkə ərazisindən təbii qazın tranzitindən əldə edəcəyi gəliri az hesab edir.
Azərbaycana səfəri zamanı Lafazanis rəsmilərlə Yunanıstanın TAP-ın inşası zamanı əldə edəcəyi mümkün faydaları müzakirə etmək imkanı olub.
Yunan mətbuatı yazır ki, Lafazanis səfəri zamanı fevralın 12-də Azərbaycanın energetika naziri Natiq Əliyev ilə TAP kəmərinin inşasının başa çatmasından sonra Yunanıstanın əldə edəcəyi mümükün güzəştləri müzakirə edib.
Bu məsələni yunan nazir TAP-ın direktoru İen Bredşou və BP-nin Azərbaycan, Gürcüstan və Türkiyə üzrə regional prezidenti Qordon Birelli ilə də müzakirə edib.
“Birelli qeyd edib ki, o Yunanıstan üçün mümkün güzəştlərin müzakirəsinə açıqdır”, – deyə yunan mətbuatı energetika nazirinə istinadən yazıb.
Həmçinin qeyd edilir ki, yunan nazir Bakıda Avropa Komissiyasının energetika üzrə vitse-prezidenti Maroş Şevçoviçlə görüşüb. Görüşdə Avropanın cənub hissəsinə qaz tədarükü sahəsində problemləri müzakirə ediblər.
“Lafazanis görüşlərini Bolqarıstanın energetika naziri Temenujkoy Petkovoy ilə başa çatdırıb. Görüş zamanı nazirlər öz ölkələrinin İGB inşasına dəstəylərini ifadə ediblər”, – deyə KİV yazıb.
TAP Azərbaycanın “Şahdəniz” yatağından hasil edilən qazın Avropaya ixracı üçün konsorsium tərəfindən seçilib. Layihə Xəzər qazının Yunanıstan, Albaniya və Adriatik dənizi ilə İtaliyanın cənubuna nəqlini nəzərdə tutur. Kəmərin ümumi uzunluğu 870 km-dir.
Boru kəmərinin tikintisi 2016-ci ildə gözlənilir.
* TAP səhmdarları: BP (20%), SOCAR (20%), Statoil (20%), Fluxyz (16%), Total (10%), E.ON (9%) və Axpo (5%).
