2015-ci ilin yanvar ayında Azərbaycanda neft hasilatı 3,7 mln. ton təşkil edib. Bu barədə Dövlət Statistika Komitəsinin saytında məlumat verilir.
Xəbər verildiyi kimi, 2014-cü ilin yanvar ayında Azərbaycanda 3,6 mln. ton neft hasil edilib. Beləliklə, 2015-ci ilin yanvar ayında respublikada neft hasilatı 2,7% artıb.
Cari ilin yanvar ayında Azərbaycanda əmtəəlik qaz hasilatı 1,8 mlrd. kubmetr (2014-cü ilin yanvar ayı ilə müqayisədə artım 12,5%) təşkil edib.
Xəbər verildiyi kimi, 2014-cü ildə respublikada neft hasilatı 41,9 mln. ton, əmtəəlik qaz hasilatı 18,7 mlrd. kubmetr təşkil edib.
Hökumət 2015-ci ildə neft hasilatını 40 mln. 615,6 min ton, qaz hasilatını (əmtəəlik qaz da daxil olmaqla) 28 mlrd. 420 mln. kubmetr həcmində proqnozlaşdırır.
