“Tenqizşevroyl” şirkətindən verilən məlumata görə,şirkət 2014-cü ilin yanvar-sentyabrında neft hasilatını keçən ilin analoji dövrü ilə müqayisədə 1.5% azaldaraq 19.8 milyon ton (158 milyon barel) neft hasil edib.
TŞO boru kəməri vasitəsilə nefti Novorossiskə,dəmir yolu ilə Odessa,Taman və Aktauya,oradan isə Batumi və Kuleviyə nəql edir.Hesabat dövründə şirkət 950 min ton mayeləşmiş yanacaq (azalma 5%) və 5.1 milyard kub metr quru qaz (azalma 3.8%) satıb.
2014-cü ilin 3 rübündə Qazaxıstana birbaşa ödənişlər 3.5% azalaraq 10.9 milyard dollar təşkil edib.
2013-cü ildə şirkətin neft hasilatı 8% artaraq 27.1 milyon ton təşkil etmişdi. Şirkət 1993-cü ildə Qazaxıstan höküməti ilə Şevron korporasiyası tərəfindən Tenqiz yataqının işlənməsi üçün təsis edilmişdi.Hal-hazırda Şevron TŞO şirkətində 50% ,”KazMunayGaz” 20%,Exxonmobil 25%,Lukarka 5% paya malikdir.