2014-cü ilin 1 oktyabrına olan məlumata görə, Azərbaycanın Dövlət Neft Fonduna “Azəri-Çıraq-Günəşli” neft yatağlarının işlənməsindən $107 milyard 254 milyon vəsait daxil olub. ARDNF-nun məlumatına görə, bu, 2001-ci ildən fonda daxil olan ümumi vəsaitdir.
2014-cü ilin əvvəlindən isə fonda layihə çərçivəsində $12 milyard 222 milyon vəsait daxil olub.
Caspian Barrel-in hesablamalarına görə, cari lin sentyabrında fonda AÇG layihəsi çərçivəsində $1 milyard 452 milyon dollar vəsait daxil olub.
2014-cü ilin 1 iyuluna olan məlumata əsasən, ARDNF-nun vəsaitləri ilin əvvəli ilə müqayisədə 4.86% artaraq ($35,877 milyard) $37,622 milyard təşkil edib.
“Şahdəniz” layihəsi üzrə daxilolmalar daha təvazökardır. 7 il ərzində layihənin həyata keçrilməsindən (2007-ci ildən 2014-cü ilin oktyabrına) əldə edilən gəlir $2 milyardan biraz çox olub. İlin əvvəlindən isə daxilolmalar $409 milyon təşkil edib.
Hər iki layihə Britaniyanın BP şirkəti tərəfindən idarə edilir.
