Yaponiya 2014-cü ilin noyabrında ölkənin günəş enerjisi sahəsində ən böyük layihəsinin həyata keçrilməsinə başlayacaq.
Setoutidə inşa ediləcək günəş enerjisi stansiyasını layihədə 60% paya malik olan ABŞ-ın General Elelktrik şirkəti,həmçinin Yaponiyanın Kuni Umi Asset Management və Toyo Engineering Corporation şirkətləri maliyyələşdirir.
Günəş panellərinin ümumi sahəsi 490 hektar olacaq. Stansiyanın tikintisinə 1.1 milyard dollar sərmayə tələb olunur ki,onunda 867 milyon dollarını Yaponiya bankları verəcəklər. Günəş enerjisi stansiyası 2019-cu ildə fəaliyyətə başlayacaq və 20 il ərzində Chugoku Electric Power Company şirkətinə enerji satacaq.
Son illərdə Yaponiya alternativ enerjini fəal surətdə inkişaf etdirir. Son iki il ərzində ölkədə 11 günəş enerjisi layihəsinə və bərpa olunan mənbələrdən elektrik enerjisi istehsalı üzrə investisiya proqramlarına başlanılıb. Onların ümumi layihə gücü 71 GW-dan çoxdur ki,bununda 96% günəş enerjisi stansiyalarının payına düşür.
