Qazaxıstanın energetika naziri Vladimir Şkolnik parlament iclasında bildirib ki,2014-cü ilin nəticələrinə görə,qaz ixracı 1.3 milyard kub metr azala bilər.
“Cari ilin 9 ayı ərzində ölkə ərazisindən qazın tranziti 70 milyard kubm metr təşkil edib. 2014-cü ildə biz tranziti 100 milyard kub metr həcmində gözləyirik. Yanvar-sentyabrda ölkədən qaz ixracı 5.3 milyard kub metr təşkil edib. 2014-cü ildə biz qaz ixracını 7.3 milyard kub metr səviyyəsində gözləyirik”,- deyə nazir məlumat verib.
Deputatların suallarını cavablandıran nazir bildirib ki, Qazaxıstanda böyük qaz yataqları yoxdur.
“Çıxarıla bilən qaz ehtiyatları 3.8 trilyon kub metr,faktiki resurslar isə 6-7 trilyon kub metrdir. Keçən il biz 42.3 milyard kub metr qaz hasil etmişik. 2001-ci il ilə müqayisədə biz qaz hasilatını 5 dəfə artırmışıq. Qazaxıstanda hasil edilən qazın 90% səmt qazıdır ki, onuda təmizləmək lazımdır. Bizim qatar kimi böyük qaz ehtiyatlarımız yoxdur”, – deyə nazir bildirib.
