Lukoil Filanovski yatağında qazma işləri üçün platformanı Xəzər dənizinə nəql edir

Həştrərxanda V.Filanovski yatağında qazma və quyuları istismarı üçün nəzərdə tutulmuş buzadavamlı stasionar platformanın üst quruluşunun sahil hissəsinin inşası başa çatıb.
“Lukoyl-Niznevolzsk” MMC-in əsaslı tikinti üzrə director müavini Vladimir Loqaçev bildirib ki,”Lukoil” artıq stasionar paltformanın Xəzər dənizinə nəqlinə başlayıb.
“Filanovski yatağı Lukoil üçün starateji əhəmiyyət daşıyır. Biz 2015-ci ildə qazmaya başlayacağıq və neft alınacaq. Biz dəniz əməliyyatlarının başlanma mərhələsindəyik və sabah əməliyyatlar başlayacaq”,- deyə Loqaçev qeyd edib.
Platformanın tərkibinə 11 üfüqi quyunun qazılaması üçün qazma kompleksi,istismar və energetika kompleksləri daxildir. 8 ton ağırlığında olan konstruksiya kran texnologiyası istifadə edilmədən nəqliyyat barjına yüklənib.
Hazırda V.Filanovski yatağında mərkəzi texnoloji platforma,yaşayış modulu və reyzer bloku quraşdırılıb.
V.Filanovski yatağı 2005-ci ildə Xəzərin şimal hissəsində,Həştərxandan 220 km aralıda aşkar edilib. Yatağın çıxarıla bilən ehtiyatları C1 + C2 kateqoriyasına görə 153.1 milyon ton neft və 32.2 milyard kub metr qazdır.