SOCAR-ın (Azərbaycan Dövlət Neft Şirkəti) Kompleks Qazma İşləri Tresti “Pirallahı adası-quru” yatağında 2 yeni quyuda qazma işlərinə başlayıb. Bu barədə SOCAR-ın saytında məlumat verilir.
1176 nömrəli quyunun layihə dərinliyi 930, 1174 nömrəli quyunun layihə dərinliyi isə 720 metrdir.
“Abşeronneft” NQÇİ-nin sifarişi ilə Qirməki Altı Lay Dəstəsinə qazılan quyuların hər birindən sutkada 4 ton neft hasil ediləcəyi nəzərdə tutulub.
“Pirallahı” yatağı 1902-ci ildən işlənilir. Yataq 2 mln. tona yaxın qalıq neft ehtiyatına malikdir.
