İranın neft məhsulları istehsalı və bölüşdürülməsi şirkətinin direktor müavini Şahrox Xosrovani bildirib ki,yaxın 2 ay ərzində İran benzin istehsalını gündə 2 milyon litr çoxaldıb. İlin əvvəlindən İran 4.7 milyon ton benzin idxal edib.
Xosrovanin sözlərinə görə,ilin əvvəlindən 10 milyon ton benzin idxalı planlaşdırılsada,ölkə NEZ-da istehsalın artması,yanacaq sərfi və ehtiyatının yaradılması,idxalı gündə 4.7 milyon litrə qədər azaltmağa imkan verib.
Keçən ilin yayında İranda gündə 51.1 milyon litr benzin istehsal edilirdi və son bir il ərzində istehsal 60 milyon litrə çatıb. İlin sonuna qədər bu göstərici 68.3 milyon tona çatması gözlənilir.
Hal-hazırda İranda Avro-4 standartlarına cavab verən “təmiz” benzinin istehsalı gündə 22 milyon litrə çatıb.
Bu ilin sonunadək İranın 8 şəhəri Avro-4 standartlarına cavab verən benzin ilə tam təchiz ediləcək.
