“Azəri-Çıraq-Günəşli” yatağının operatoru BP şirkəti platformaların texniki təmirə bağlanması planlarını dəyişdirib.
Oktyabrda təmirə iki platforma əvəzinə yanlız biri dayandırılacaq. Çox güman ki,bu “Qərbi Azəri” platforması olacaq.
“Mərkəzi Azəri” platformasının texniki xidmət və təmiri gələn ilə saxlanılıb. Texniki platforma bütün Azəri yatağında lay təzyiqinin normada saxlanılması üçün su və qazın vurulması prosesini həyata keçirir.
Əvvələr BP-Azərbaycan şirkətinin prezidenti Qordon Birelli bildirmişdi ki,iki platformanın təmirə dayandırılması AÇG-də neft hasilatının aşağı düşməsinə səbəb olacaq.
Cari ilin birinci rübündə AÇG-də 2013-cü ilin analoji dövrü ilə müqayisədə hasilatın rekord azalması müşaidə edilir.
2014-cü ilin birinci rübündə AÇG-də 2013-cü ilin eyni dövrünün 16.4 milyon tonuna qarşı 16 milyon ton neft hasil edilib.
AÇG layihəsinin iştirakçıları aşağıdakılardır: BP (operator) – 35,78%, Chevron – 11,27%, Inpex – 10,96%, SOCAR – 11,65%, Statoil – 8,56%, Exxon Mobil – 8%, TPAO – 6,75%, Itochu – 4,3% və ONGC – 2,72%.
