Avqustun 6-daSOCAR-ınxaricdə təhsillə bağlı TəqaüdProqramı Müsabiqə Komissiyasınınnövbətiiclası keçirilib.
SOCAR-ın mətbuat xidmətinin yaydığı məlumatda bildirilir ki, istedadlı və perspektivli gənclərin Dövlət Neft Şirkətinin vəsaiti hesabına xarici ölkələrin aparıcı universitetlərində təhsilini təşkil etmək məqsədi ilə Təqaüd Proqramı çərçivəsində həyata keçirilən işlər müzakirə edilib.
İclasda Təqaüd Proqramı çərçivəsində Fransanın Universite Du Sud, Böyük Britaniyanın Mançester və Aberdin Universitetlərində, eləcə də Türkiyənin Orta Doğu Texniki Universitetində təhsillərini müvəffəqiyyətlə başa vurmuş Nizami İsrafilov, Orxan Firdovsi, Fərhad Əkbərov və Rüfət Məmmədov təhsil aldıqları ixtisas və ali təhsil ocaqları, həmçinin Azərbaycanın təbliği yönündə ictimai fəaliyyətləri barədə Komissiya üzvlərinə ətraflı məlumat vermişlər.
Daha sonra Proqrama qoşulmaq üçün müraciət etmiş 18 namizəd Komissiya üzvlərinin suallarını cavablandırmış, seçdikləri ixtisas və ali təhsil müəssisələri barədə ətraflı məlumat vermişlər.
Komissiyaya müraciət etmiş tələbələrdən 15-i magistr, 3-ü isə bakalavr dərəcəsi olmaqla mühəndislik, iqtisadiyyat və insan resursları ixtisasları üzrə Böyük Britaniya, Fransa və Kanada universitetlərində təhsil almaq arzusundadırlar.
Qeyd olunmuşdur ki, namizədlərin SOCAR-ın maliyyə vəsaiti hesabına xarici universitetlərdə təhsil alması barədə qərar Komissiya üzvlərinin yekun rəyindən sonra məlum olacaqdır.
