İranın “Xəzər” neft şirkətinin direktoru Əli Osuli bildirib ki, Gülestan vilayətində kəşfiyyat quyularının qazılması üçün yerlərin tədiqiqi və müəyyənləşdirilməsi başa çatıb və yaxın günlərdə Türkmənistan ilə sərhəddə qazma prosesi başlanacaq.
Əli Osilinin sözlərinə görə,Gülestan vilayətində qazma işləri üzrə podratçı şirkətin seçilməsi üçün tender elan ediləcək. Şirkət rəhbəri həmçinin bildirib ki,ilin sonuna qədər geoloji kəşfiyyatın nəticələri barədə müsbət nəticələr alınacaq.
Əvvələr “Xəzər” şirkətinin geoloji kəşfiyyat şöbəsinin müdiri Yusif Etamadi bildirmişdi ki, Gülestan vilayətində seysmik tədqiqatlar başa çatıb. Onun sözlərinə görə, tədqiqatların nəticələri həmin rayonda əhəmiyyətli qaz ehtiyatlarının olduğunu göstərir.
