İranın neft nazirinin beynəlxalq əlaqələr üzrə müavini Əli Majedi bildirib ki, İran Nabucco boru kəməri ilə Avropaya qaz tədarükünə hazırdır və iki Avropa ölkəsi artıq bununla maraqlanıb.
Onun sözlərinə görə, İran özünün böyük qaz ehtiyatlarını Avropaya Nabucco vasitəsilə nəql edə bilər.
O əlavə edib ki, İrandan qaz tədarükünü müzakirə etmək üçün adını çəkmədiyi iki Avropa ölkəsindən nümayəndə heyəti gəlib. Majedi qeyd edib ki, qazın İraq, Türkiyə, Suriya, Qafqaz və Qara dəniz vasitəsilə nəqli mümkündür. Onun fikrincə, Türkiyə marşrutu təqdim olunanlardan ən yaxşısıdır.
“Nabucco boru kəmərinin ərsəyə gəlməsi İran qazı olmadan mümkünsüzdür”, – deyə Məcidi bildirib.
İTAR-TASS-ın məlumatına görə, Nabucco layihəsi 2012-ci ildən gündəmdən çıxıb.
