2006-ci ildən etibarən Bakı-Tbilisi-Ceyhan (BTC) neft kəmərinin Türkiyə ərazisində istismarı ilə məşğul olan Botas International Limited (BIL) şirkəti Ceyhan neft terminalından 2600-cü neftlə yeklnəmiş tankerin yola salındığını elan edib.
Şirkətin məlumata görə, 2006-cı il iyunun 2-dən indiyədək Türkiyənin Ceyhan neft terminalından iki milyard barel neft yüklənib.
BTC neft kəmərinin uzunluğu 1768 km olub,onun 443 km Azərbaycan ərazisində,249 km Gürcüstan,1076 km isə Türkiyə ərazisində yerləşir. Kəmərin tikintisinə 2003-cü ilin aprelində,neftlə yüklənməsinə isə 18 may 2005-ci ildə başlanılıb.
BTC kəməri ilə hazırda “Azəri-Çıraq-Günəşli” dəniz blokundan hasil edilən neft (gündə orta hesabla 510 min barel) və Şahdəniz yatağından (50 min barel) hasil edilən kondensat nəql edilir. Həmçinin kəmər ilə türkmən və qazax nefti də (təxminən 140 min barel) nəql edilir.
