“Tengizşevroyl” (TCO) şirkəti 2014-cü ilin yanvar-iyununda 2013-cü ilin eyni dövrünün 13.9 milyon tonuna qarşı 13 milyon ton neft (104 milyon barel ) hasil edib.
TCO Qazaxıstanın ən böyük neft hasilatçısı olub xam nefti müxtəlif istiqamətlərdə ixrac edir.TCO nefti CPC boru kəməri ilə, dəmir yolları ilə Odessa, Taman və Aktauya, oradan isə Batumi və Kuleviyə nəql edir.
Şirkətin məlumatına görə, hesabat dövründə TCO 627 min ton mayeləşmiş qaz (azalma 6.8%) və 3.3 milyard kub metr quru qaz (azalma 5.7%) satıb.
2014-cü ilin I yarısında şirkətin Qazaxıstan büdcəsinə birbaşa ödənişləri 7.7 milyard ABŞ dolları təşkil edib. 2013-cü ilin analoji dövründə bu göstərici 8.6 milyard ABŞ dolları idi.
TCO 2013-cü ildə 27.1 milyon xam neft hasil etmişdi. Şirkət neft hasilatını dünyanın ən dərin və böyük yataqlarından biri olan “Tengiz” yatağında aparır.
1993-cü ildə “Chevron” şirkəti ilə Qazaxıstan höküməti arasında imzalanmış sazişə əsasən TCO şirkəti yaradılmışdır. Hazırdda TCO şirkətinin tərafdaşları aşağıdakı şirkətlərdir: “Chevron” – 50%, “KazMunayQaz” – 20%, ExxonMobil – 25% və LUKArco (“LUKoil” strukturu) – 5%.