2014-cü ilin iyun ayında Dövlət Neft Fonduna “Azəri-Çlraq-Günəşli” yatağının işlənməsindən $1 milyard 181 milyon vəsait daxil olub.
2014-cü ilin yanvarın 1-dən iyulun 1-dək AÇG layihəsi çərçivəsində Fonda 7 milyard 780 milyon dollar daxil olub.
2014-cü il iyulun 1-nə olan məlumata görə, 2001-ci ilin əvvəlindən Azərbaycan Respublikası Dövlət Neft Fonduna (ARDNF) Xəzərin Azərbaycan sektorundakı “Azəri-Çıraq-Günəşli” (AÇG) neft-qaz yataqları blokunun işlənməsi layihəsinin reallaşdırılması çərçivəsində 102 milyard 812 milyon dollar daxil olub.
Qeyd edək ki, AÇG üzrə müqavilə 1994-cü ilin 20 sentyabrında bağlanıb.Yataqda ilk hasilat 1997-ci ildə başlanıb. 2014-cü ilin mayına yatağda 330 milyon ton neft hasil edilib. BP-yə görə, yataqda çıxarıla bilən ehtiyatlar 730 milyon tondur.
AÇG layihəsinin iştirakçıları aşağıdakılardır: BP (operator) – 35,78%, Chevron – 11,27%, Inpex – 10,96%, SOCAR – 11,65%, Statoil – 8,56%, Exxon – 8%, TPAO – 6,75%, Itochu – 4,3% və ONGC – 2,72%.
2014-cü il aprelin 1-nə ARDNF-in aktivləri $36 milyard 618 milyon 400 min dollar təşkil edib.
