Aşqabadda 6-7 iyulda Türkmənistan-Əfqanıstan-Pakistan-Hindistan qaz boru kəmərinin çəkilməsi üzrə texniki işçi qrupun iclası keçrilir. Bu barədə hökümət iclasında YEK-i üzrə baş nazir müavini Baymurad Hocamuhammedov bildirib.
Onun sözlərinə görə, texniki işçi qrupun iclasında TAPİ layihəsinin həyata keçrilməsi,o cümlədən TAPİ ltd konsorsiumunun yaradılması və onun lideri, təbii qazın tranziti məsələləri müzakirə edilir.
Bundan əlavə, təbii qazın alqı-satqısı və layihə üzrə texniki sazişin müddətinin uzadılması məsələri də müzakirə edilir.
Komitənin iclasında, həmçinin TAPİ layihəsinin məsləhətçisinin hesabatına baxılır. Keçən ilin noyabrında imzalanmış müqaviləyə əsasən layihənin məsləhətçisi kimi Asiya İnkişaf Bankı çıxış edir.
