Azərbaycanın idxal etdiyi benzin çox keyfiyyətlidir və ən yüksək tələblərə cavab verir. Bu barədə bazar ertəsi jurnalistlərə Standartlaşdırma, Metrologiya və Patent üzrə Dövlət Komitəsinin sədri Ramiz Həsənov bildirib.
Həsənovun sözlərinə görə, idxal strukturları qarşısında ölkəyə gətirilən yanacağın hətta “Avro-5” standartlarının tələblərinə uyğun gəlməsi ilə bağlı şərt qoyulub.
“Ancaq ölkədə istehsal olunan benzin “Avro-4″ tələblərinə cavab vermir. Bunun səbəbi ondadır ki, ölkədə yeni avtomobillərlə yanaşı, köhnə avtomobil parkı da mövcuddur”, – deyə Komitə sədri izah edib.
Qeyd edək ki, hazırda Azərbaycanda Aİ-92 və Aİ-80 markalı benzinlər istehsal edilir.