Çinin Milli Neft Korporasiyasından verilən məlumata görə,bugündən başlayaraq “Mərkəzi Asiya – Çin” boru kəmərinin “C” xətti ilə qaz nəqlinə başlanıb.
“Mərkəzi Asiya –Çin” qaz boru kəmərinin üçüncü xəttinin ümumi uzunluğu Türkmənistan-Özbəkistan-Qazaxıstan-Çin marşrutu üzrə 1830 km təşkil edir. Xətt Türkmənistan-Özbəkistan sərhədində başlayır,Özbəkistan və Qazaxıstan ərazisindən keçərək,Çinin Xorqos şəhərində bitir. Çində qaz xətti “Şərq-Qərb” boru kəməri sisteminin ikinci və üçüncü xətləri ilə birləşdirilib.
Hal-hazırda “Mərkəzi Asiya – Çin” boru kəmərinin “C” xəttinin gücü ildə 7 milyard kub metrdir. Gözlənilir ki, 2015-ci ilin sonuna xəttin gücü ildə 25 milyard kub metri ötəcək və ümumilikdə boru kəmərinin nəqletmə gücü ilə 55 milyard kub metrə çatacaq.
