2014-cü ilin yanvar-may aylarında Azərbaycanda 17,7 mln. ton neft hasil olunub. Bu barədə Dövlət Statistika Komitəsinin saytında məlumat verilir.
Xəbər verildiyi kimi, 2013-cü ilin yanvar-may aylarında Azərbaycanda 18,1 mln. ton neft hasil olunub. Beləliklə, bu ilin yanvar-may aylarında respublikada neft hasilatı 3,2% azalıb.
2014-cü ilin yanvar-may aylarında Azərbaycanda əmtəəlik qaz hasilatı 7,6 mlrd. kubmetr təşkil edib. 2013-cü ilin yanvar-may ayları ilə müqayisədə artım 2,7% olub.
Dövlət Statistika Komitəsinin məlumatına görə, ötən il 43,5 mln. ton neft, 17,9 mlrd. kubmetr əmtəəlik qaz hasil edilib.
Hökumətin proqnozlarına görə, bu il neft hasilatı 41,2 mln. ton, qaz hasilatı (neft quyularına vurulan texniki qazın həcmi də hesablanmaqla) 28,8 mlrd. kubmetr təşkil edəcək.