Wood Mackenzie şirkəti Azərbaycan Dövlət Neft Şirkətinin törəməsi olan SOCAR Trading şirkətinin auditini yekunlaşdırıb.
Caspian Barrel-ın əldə etdiyi məlumata görə, auditin fokusu SOCAR Trading-in fəaliyyətində Azeri Ligth markalı neftin bazarlarda tədqiqi olub.
Wood Mackenzie hesabatında qeyd edir ki, SOCAR Trading Azeri Ligth markalı neftin satışı ilə 2008-ci ildən məşğul olmağa başlayıb. Bunda məqsəd isə digər treyder və ticarət şirkətlərindən asılılığın azaldılması olub.
2008-2013-cü illərdə Azeri Ligth markalı neftin Btent-ə nisbətən satış qiyməti satış bazarlarında kifayət qədər yüksəlib. Wood Mackenzie bunun səbəblərini və Brent-lə qiymət əlaqələrini araşdırıb.
Azeri Ligth markalı neftin qiyməti bu dövr ərzində bir neçə faktora görə yüksəlib:
– Bu marka neftin daha yüksək keyfiyyət parametrlərinə malik olması, məhz bu səbəbdən yüngül neftə tuşlanan neftayırma zavodları onu daha yüksək qiymətləndirməyə başlayırdılar, əsasən də Liviyadakı böhrandan sonra;
– SOCAR Trading-in nefti daha uzaq məsafələrdə satmaq imkanı və təklifin stabilliyi.
Ümumilikdə, SOCAR Trading Azeri Ligth markalı neftin Btent-ə nisbətən satış qiyməti fərqindən təqribən 1,7 milyard dollara yaxın əlavə qazanc gəritə bilib Azərbaycana. Bunun 600 milyon dolları xarici bazarlarda qiymət təsirindən yaranan gəlir, təqribən 1,1 milyard dollar isə uzaq məsafələrə neftin alıcılara stabil təklifindən yaranan gəlir olub. Brent markalı neftlə Azeri Ligth markalı neftin orta qiymət fərqi 1,75 dollar olub hər satılan bareldə.
Türkmənistan neftinin Bakı-Tbilisi-Ceyhan boru kəməri ilə daşınması nəticəsində (2010-cu ilin iyul ayında başlayıb – Caspian Barrel) boru kəməri konsorsiumu BTC.Co əlavə olaraq tranzit daşımalarından 350 milyon dollar vəsait əldə edib. Qeyd edək ki, SOCAR burada 25% paya malikdir.
