SOCAR (Azərbaycan Dövlət Neft Şirkəti) 2014-cü ilin yanvar-aprel aylarında dövlət büdcəsinə 651 mln. 522 min manat vergi ödəyib ki, bu da 2013-cü ilin analoji dövrü ilə müqayisədə 25,6% çoxdur. Bu barədə şirkətin rəsmi saytında yerləşdirilmiş məlumatda deyilir.
Cari ilin aprel ayında SOCAR dövlət büdcəsinə 128 mln. 416 min manat vergi ödəyib.
2014-cü ilin yanvar-aprel ayları ərzində SOCAR tərəfindən Dövlət Sosial Müdafiə Fonduna icbari sosial sığorta üzrə ödənişlər 50 mln. 218 min manat təşkil edib ki, bu da ötən ilin analoji dövrünün göstəricisindən 0,3% çoxdur.
Bununla yanaşı, aprel ayında DSMF-ə 13,18 mln. manat vəsait köçürülüb (2013-cü ilin aprel ayı ilə müqayisədə artım 0,8%).
2013-cü ildə SOCAR tərəfindən dövlət büdcəsinə vergi daxilolmaları 1 mlrd. 574 mln. 437 min manat təşkil edib.
2014-cü ildə SOCAR üçün dövlət büdcəsinə vergi ödənişləri planı 1 mlrd. 825 mln. manat səviyyəsində müəyyən edilib.
