İyun ayında Norveçin neft və energetika naziri Kaare Fostervold Azərbaycana səfər edəcək. Bu barədə Energetika Nazirliyinin məlumatında bildirilir.
Səfərin məqsədi 3-6 iyun tarixlərində Bakıda keçiriləcək “Caspian Oil&Gas” sərgi-konfransında iştirak etməkdir.
Səfər çərçivəsində onun energetika naziri Natiq Əliyevlə görüşü planlaşdırılıb.
“Norveç enerji sahəsində Azərbaycanın mühüm tərəfdaşıdır. İki ölkə arasında iqtisadi əlaqələr “Statoil” şirkətinin “Azəri-Çıraq-Günəşli” yataqlarının işlənməsi layihəsində pay əldə etməsindən sonra başlayıb. Əlaqələr şirkətin “Şahdəniz” yatağının işlənməsi layihəsinin iştirakçısı olduqdan sonra möhkəmlənib”, – deyə nazirliyin məlumatında qeyd olunur.