Reuters agentliyinə LUKoil-dan bildiriblər ki, şirkət Xəzərin Rusiya şelfində hasil edilən nefin bir hissəsini Transneftin magistal boru kəməri sistemindən Bakı-Tbilisi-Ceyhan kəmərinə yönəldəcək.
Bu günə qədər dənizdə hasil edilən neft Mahaçqala-Novorossisk kəməri ilə nəql etmək üçün tankerlərlə Mahaçqala limanına daşınırdı.
“Biz dünən (15 may – red.) Yuri Korçagin yatağından Səngəcala (Bakı) yola salmaq üçün ilk nefti Mahaçqalada tankerə doldurmuşuq. Neft Bakı-Tbilisi-Ceyhan kəməri ilə nəql ediləcək” – deyə Reutersə LUKoilın nümayəndəsi bildirib.
Ticarət dairələrinin məlumatına görə, LUKoil şirkətinin treyderi Litasco Azərbaycanın SOCAR şirkəti ilə 2014-cü ilin sonuna qədər Yuri Korçagin yatağından hər ay 20 min ton neftin tədarükü üçün müqavilə imzalayıb.
SOCAR neftin gömrük sənədləşməsini həyata keçirmək üçün Rusiya şirkəti ilə FOB Mahaçqala alqı-satqısı həyata keçirir, daha sonra isə yük BTC ilə nəql etmək üçün tankerlə Sənqəçal limanına daşınır, – deyə mənbə Reutersə izah edib.
* Hazırda BTC neft kəməri ilə Xəzəryanı 4 ölkənin nefti daşınır: Azərbaycan, Türkmənistan, Qazaxıstan və Rusiya. Bununla da BTC regional əhəmiyyətli boru kəməri statusunu təsdiq etmiş oldu. Onun buraxıcılıq qabiliyyəti gündə 1,2 mln. bareldir. Hazırda gündəlik BTC ilə 800 min bareldən artıq neft ixrac edilir.
