Statoil şirkətinin Aərbaycandan getməsi ilə xəbərlər gündəmə gəlib və sürətlə yerli mediada yayılmağa başlayıb. Çünki Statoil şirkəti Azərbaycanda 1992-ci ildən fəaliyyət göstərən və neft-qaz sektorunun bütün seqmentlərində (hasilat, kəşfiyyat və neft-qaz nəqli) təmsil olunmuş bir şirkətdir.
Mayın 14-də Stavanger şəhərində Statoil şirkəti sərmayədarlarının illik toplantısı olacaq. Əlavə gündəliyə Kanada, Arktika, Anqola və Azərbaycandakı layihələrdən imrina edilməsi məsələsi qoyulur və əvəzində satışa çıxarılacaq bu layihələrdən əldə edilən vəsaitlərin alternativ enerjinin inkişafına və Arktikada hasilat zamanı neft sızmaları zamanı baş verəcək ekoloji fəsadların aradan qaldırılması texnologiyalarının hazırlanmasına sərf etmək tövsiyyə edilir.
Caspian Barrel-in araşdırmaları nəticəsində məlum olub ki, sözügedən məsələ bir qrup səhmdarın təkidi ilə əlavə gündəliyə 31 mart 2014-cü ildə daxil edilib. 19-cu məsələ olacaq iclasda.
Bizim mənbənin sözlərinə görə, Statoil-in səhmdarları içərisində qeyri-hökumət təşkilatlarını təmsil edən səhmdarlar daim olub. Onlar adətən həmişə ekoloji məsələləri qabardırlar və hətta şirkət rəhbərliyini diktator rejimli ölkələrlə əməkdaşlıq etməkdə ittiham edərək bir sıra ölkələrdə fəaliyyətimizi qeyd-şərtsiz məhdudlaşdırmağa çağırırlar. “Ancaq onların sayı çox deyil və şirkətin fəaliyyəti butun səhmdarların maraqları əsasında qurulur”, – deyə Caspian Barrel-in həmsöhbəti bildirib.
