Dövlət Neft Şirkəti Azərbaycanda neft məhsullarının azaldılması yönümündə daha bir effektiv addım atmağa hazırlaşır. Belə ki, yaxın zamanlarda ölkədə maye qazla işləyən avtomobilləri görmək mümkün olacaq.
Dövlət Neft Şirkətinin iqtisadi məsələlər üzrə vitse-prezidenti Süleyman Qasımov jurnalistlərə aşıqlamasında bəyan edib ki, yeni birgə müəsisə yaradıblar. Onun təsisçiləri “Azəriqaz” İstehsalat Birliyi və “Mayeqaz” özəl şirkətidir. Birgə müəsisə ölkədə maye qaz satışı ilə məşğul olacaq. Bu məqsədlə qazdoldurma stansiyalarının tikilməsi planlaşdırılır.
“Artıq bu müəssisə formalaşmaq üzrədir. SOCAR-ın Gürcüstan bazarında maye qazın yanacaqdoldurma məntələrində kifayət qədər satış təcrübəsi var”, – deyə Süleymanov bildirib.
Onun sözlərinə görə, gələcəkdə ictimai nəqliyyatda yanacaq kimi maye qazdan istifadə edilərsə, bu həm insanlar, həm də şirkətlər üçün sərfəli olar.
“Böyük şəhərlərdə artıq benzindən deyil, maye qazdan istifadə edilir. Bu ekoloji baxımdan da effektlidir”, – deyə, SOCAR-ın vitse prezidenti vurğulayıb.
Caspian Barrel-in araşdırmalarına görə, maye qazdan istifadə zamanı eyni məsafəni benzinlə işləyən avtomobillərlə müqayisədə 12-13% yanacağa qənaət etmək mümkündür. Belə ki, metanın oktan ədədi benzinlə müqayisədə kifayət qədər yüksəkdir və 117-ə çatır. Bu isə o deməkdir ki, mühərrikdə porşenlərə gərginliyi azaldır. Həmçinin qazın yanma prosesi benzin və ya dizellə müqayisədə daha mükəmməl getdiyindən demək olar ki, çıxışda ətraf mühitə atılan zəhərli maddələrin müqdarı kifayət qədər az olur. Bu da ekoloji baxımdan əsasən də meqapolislər üçün böyük əhəmiyyət daşıyır.
İkincisi, ötən ilin dekabrında olan qiymət artımının nəticələrini cari ilin I rübündə Azərbaycanın daxılı bazarına yönəldilən neft məhsulları ilə müqayisə edərkən məlum oldu ki, 3,2% azalma qeydə alınıb 2013-cü ilin yanvar-mart ayları ilə müqayisədə. Bu zaman daxili bazarda benzinə olan tələbat 1,2%, dizel yanacağına isə 11,6% azalmışdı. Yəni, ümumilikdə qiymət məsələsi ilə heç də bazardakı tələbatın stabilliyini təmin etmək olmaz gələcək üçün.
Ona görə də, SOCAR orta perspektiv üçün neft məhsullarına daxili bazarda tələbatı stabilləşdirmək üçün H.Əliyev adına NEZ-da kapital təmirlərə start verdi və istehsal gücünü artırmaq qərarına gəldi.
Ancaq bazarda daha effektiv nəticələr əldə etmək üçün böyük həcmdə gündəlik yanacaq işlədən ictimai və çox güman ki, sonradan kommersiya nəqliyyatının da maye qaza keçirilməsi ilə dizel yanacağı sahəsində daxili bazarda kifayət qədər qənaətə nail olmaq olar. Əvəzində qənaət edilmiş yanacaq xarici bazara çıxarılar ki, bundan da SOCAR-ın gəlirləri artar.
