SOCAR Turkey Energy şirkətinin direktoru Kənan Yavuz bildirib ki, SOCAR Star NEZ-nın maliyyələşdirilməsi üçün $3,5 milyard saziş üzrə danışıqların final mərhələsinə qədəm qoyub. Onun sözlərinə görə artıq mayda kreditorlar ilə saziş imzalanacaq.
Yavuz bildirib ki, kreditin cəlb edilməsində SOCAR-ın məsləhətçisi kimi Unicredit Spa bankı (İtaliya) çıxış edib. Ümumiyyətlə, bu kredit paketinə altı ölkədən 15 kreditor cəlb ediləcək. Onların əksəriyyəti eksimbanklar olacaqlar ki, bu layihələrə cəlb edilmiş tikinti şirkətlərinin iş və xidmətərini maliyyələşdirəcəklər.
Qeyd edilir ki, Star NEZ-ın inşasının ümumi capital məsrəfləri $5,5 milyard civarında qiymətləndirilir. Zavodun inşası 2017-ci ilin sonuna qədər başa çatmalıdır. Onun gücü 10 milyon ton xammal təşkil edəcək. Zavod ildə 4.9 milyon ton dizel yanacağı və Petkim neft-kimya kompleksinin ehtiyacları üçün 2 milyon ton xammal istehsal edəcək.