“Gürcüstan Neft və Qaz Şirkəti” SC (GOGC) cümə günü “Cənub” magistral qaz kəmərinin Marneuli- Qırmızı körpü ərazisindəki 24 kilometrlik hissəsində tikinti işlərinə tender elan edib.
“İnterfaks” agentliyinə GOGC-dan verilən məlumat görə, başlanğıcını Azərbaycanla sərhəddə yerləşən Qırmızı körpüdə ( Azərbaycanla Gürcüstanı ayıran Xrami çayının üzərindədir) götürən “Cənub” magistral qaz kəməri Gürcüstanın şərqindən cənuba Samstsxe –Cavaxeti regionuna Axalkalaki şəhərinə qədər davam edir. Kəmər 1978-ci ildə tikilib.
Ümumi uzunluğu 198 km təşkil edən qaz kəmərinin bəzi hissələrində korroziya nəticəsində problemlər yaranmışdı. “Buna görə də kəmərin Marneuli- Qırmızı körpü ərazisindəki 24 kilometrlik hissəsində 500 mm. diametrlik yeni qaz kəmərinin tiklilməsinə qərar verilib”,- deyə şirkət nümayəndəsi bildirb.
Tenderdə iştirak etmək istəyənlər ərizələrini mayın 14-nə qədər təqdim etməlidirlər.
Layihənin təxmini dəyəri 4 mln. 130 min lari ($2,35) səviyyəsində müəyyənləşdirilib.
