“LUKoil” şirkəti və Dağıstan höküməti nümayəndələrinin görüşündə bildirilib ki, Dağıstanda, Xəzər dənizinin akvatoriyasında yeni neft yataqları işlənəcək.
“LUKoil” şirkətinin törəmə şirkəti olan “Nijnevoljneft” MMC-nin nümayəndəsi Aleksey Kazakov görüşdə bildirib ki, şirkətin qarşısında “Xəzri” və “Titon” yataqlarında kəşfiyyat aparmaq vəzifəsi durur.
Cari ilin sentyabr ayında bu sahələrdən birində kəşfiyyat qazması başlayacaq. Alınan nəticələr əsasında digər sahə üzrə qərar qəbul ediləcək. Eyni zamanda şirkətin nümayəndəsi bildirib ki, qazılan quyular ancaq kəşfiyyat məqsədi daşıyacaq.
Aleksey Kazakovun sözlərinə görə, hazırda olan “Nijnevoljneft” MMC yeganə Rusiya şirkətidi ki, Xəzər dənizinin Rusiya sektorunda neft hasilatı aparır. Belə ki, “Yuri Korçagin” adına yataqda ildə 1 milyon 400 min ton neft hasil edilir.
