“Cənub Axını – Bolqarıstan” rəsmi nümayəndəsi bəzi KİV-də “Cənub Axını” layihəsinin borularının söküldüyü barədə yayılmış xəbərləri təkzib edib.
İTAR-TASS agentliyinə “Cənub Axını – Bolqarıstan” şirkətindən verilən məlumata görə,ilk qaynaqlanmış boru kəmərləri müvəqəti saxlama anbarlarına gətirilib və qaz kəmərinin inşasında istifadə ediləcək. Şirkətdə bildiriblər ki,”Bolqarıstanda Cənub Axını layihəsi üzrə iş davam etdirilir”.
“Cənub Axını” beynəlxalq qaz layihəsi olub Cənubi və Mərkəzi Avropa ölkələrinə qaz tədarükünü nəzərdə tutur. Kəmər Bolqarıstan ərazisi ilə Varna rayonundan Serbiya ilə sərhədə qədər uzanacaq və uzunluğu 540.8 km təşkil edəcək. Bolqarıstan höküməti Cənub Axını layihəsini prioritet hesab edir.
