Reuters agentliyi xəbər verir ki, “Boing” və “General Electric” şirkətləri ABŞ Maliyyə Nazirliyindən İrana təyyarələr üçün ehtiyat hissələrinin tədarükü və aviasiya mühərriklərinin təmiri üçün icazə alıblar.
“Söhbət 1979-cü il İslam inqilabından əvvəl İrana satılmış təyyarələrdən gedir”, – deyə “Boing”-in nümayəndəsi qeyd edib. O, əlavə edib ki, icazə yeni təyyaralərə şamil edilmir.
Şirkət onların hansı ehtiyat hissələrinə ehtiyaclarını olduqlarını öyrənmək üçün İran rəsmilərinə müraciət edəcək, deyə təyyarə istehsalçısı şirkətinin nümayəndəsi bildirib.
“General Electric”-in nümayəndəsi Pik Kennedi isə bildirib ki, şirkət 18 təyyarənin ehtiyat hissələrinin təmiri üçün icazə alıb. “Gələn həftə biz İstanbulda İranın əsas hava daşıyıcı şirkəti olan İran Air-in nümayəndələri ilə görüşəcəyik”, – deyə o bildirib.