2014-cü ilin 1 aprelinə olan məlumata əsasən, 2001-ci ildən başlayaraq Azərbaycan Respublikası Dövlət Neft Fonduna (ARDNF) “Azəri-Çıraq-Günəşli” (AÇG) layihəsinin reallaşdırılması çərçivəsində $98 mlrd 917,8 mln vəsait daxil olub.
AÇG yatağının işlənilməsi müqaviləsi 1994-cü ildə imzalanıb. Blokun təsdiq edilmiş neft ehtiyatları 923 milyon ton təşkil edir.
Müqavilədə iştirak payları aşağıdakı qaydada bölüşdürülüb: BP(operator) – 35,78 % , SOCAR – 11,65 %, Chevron – 11,27 %, Inpex – 10,96 % , Statoil – 8,56 %, ExxonMobil – 8%, TPAO – 6,75 %, Itochu – 4,3 % və ONGC – 2,72 % .
2014-cü ildən 1 yanvarından 1 aprelə kimi AÇG layihəsi çərçivəsində Fonda $3 mlrd 885,8 milyon vəsait daxil olub.
Dövlət Neft Fondu Azərbaycan Respublikasının Prezidenti 29 dekabr 1999-cu il tarixli Fərmanı ilə yaradılmışdır,lakin praktik fəaliyyətə 2001-ci ilin iyunundan başlayıb və onda fondun aktivləri $271 milyon idi.
1 yanvar 2014-cü il etibarilə, Dövlət Neft Fondunun aktivləri 2013-cü ilin əvvəli ilə müqayisədə 5.1% artaraq ($34 mlrd 129,4 milyon) $35 mlrd 877,5 milyon təşkil edib.
