2014-cü ilin 27 martına olan məlumatlara əsasən Azərbaycan əhalisinə verilən gündəlik qazın həcmi 7 martdakı 21 milyona qarşı 19.07 milyon kub metr təşkil edib. Bu barədə “Azəriqaz” İB-dən məlumat veriblər.
27 marta olan məlumata görə, Bakı şəhərində gündəlik qaz istehlakı 11.8 milyon kub metr təşkil edib. Həmin tarixdə isə regionlarda isə sutkalıq qaz istehlakı 7.3 milyon kub metr olub.
1 mart 2014-cü ilə olan məlumata əsasən, Azərbaycanda qaz abunəçilərinin sayı 1 milyon 676 min 885 ədəd olub. Ümumi qaz abunəçilərinin 1 milyon 656 min 397-si əhali kateqoriyasına, 20 min 488 isə digər kateqoriyaya aiddir.
