Azərbaycan müvəqqəti olaraq avtomobil benzini istehsalını dayandırıb. Bu barədə Caspian Barrel-ə SOCAR-dan məlumat veriblər.
Bu onunla bağlıdır ki, SOCAR H.Əliyev adına NEZ-da bir sıra qurğuların təmirinə başlayıb. Bu məqsədlə neftin ilkin emalının, katalik riforminq və katalik krekinq qurğularının təmiri aparılır.
Təmir işləri təxminən bir ay davam edəcək. Bu müddət ərzində daxili bazar idxal hesabına təmin ediləcək.
Qeyd edilən müddətdə qiymətləri tənzimləmək üçün hökümət hələ fevralda Aİ-92 və Aİ-80 markalı benzinin aksizlərini iki dəfə, dizel yanacağının 3.2 dəfə, reaktiv motor yanacağının 7.6 dəfə, nafatnın 5.4 dəfə, mayeləşmiş təbii qazın 3 dəfə, mazutun 49 dəfə, bitumun aksiz dərəcəsini 16.4 dəfə azaltmışdı.
Bu müvəqqəti xarekter daşıyır və NEZ-da emal qurğuları istismara verildikdən sonra və gücü planlaşdırılan səviyyəyə çatdıqdan sonra idxal dayandırılacaq.