Türkiyənin enerji və təbii sərvətlər naziri Taner Yıldız bildirib ki,Türkiyə İrandan idxal edilən qaz üçün 32.5% endirim tələb edir.
Onun sözlərinə görə, İrandan Türkiyəyə idxal edilən qaz digər mənbələrdən alınan qazdan fərqli deyil. İran qazının Türkiyəyə tədarükü müqaviləsi 1996-cı ildə imzalanıb.
2013-cü ildə Türkiyənin BOTAŞ şirkəti müxtəlif mənbələrdən 38.42 milyard kub metr qaz idxal edib.
İrandan idxal edilən qazın qiyməti açıqlanmır ancaq Türkiyə KİV-nin məlumatına görə İran qazının qiyməti 490 ABŞ dollarıdır.
2012-ci ildə rəsmi Ankara Beynəlxalq Arbitraj Məhkəməsinə İran qazının qiyməti məsələsinə görə müraciət edib.
Taner Yıldız həmçinin bildirib ki, Beynəlxalq Arbitraj Məhkəməsində qazın qiyməti ilə bağlı məsələ 2014-cü ilin sonuna qədər çəkəcək.
