SOCAR (Azərbayan Dövlət Neft Şirkəti) “Palçıq pilpiləsi” yatağında alçaq təzyiqli qazların yığılması üçün kompressor qurğuları inşa edəcək. Bu barədə şirkətin məlumatında bildirilir.
“Neftqazelmitədiqatlayihə” İnstitutunun layihəsi əsasında yataqdakı 1100 saylı meydançada 4 ədəd, 1201 saylı meydançada isə 2 ədəd vakuum kompressor qurğusu quraşdırılacaq.
“Bu qurğular vasitəsi ilə hasilat zamanı havaya atılan sutkalıq 150 000 kubmetr qazın yığılaraq sahilə nəqli mümkün olacaqdır. Layihə çərçivəsində həmin alçaq təzyiqli qazların yığılıb ümumi nəqletmə sisteminə ötürülməsi üçün meydançalararası qaz xətlərinin çəkilişi də nəzərdə tutulur”, – deyə məlumatda qeyd olunur.
“Palçıq Pilpiləsi” yatağı “Neft Daşları” yatağı ilə yanaşı yerləşir və 1949-cu ildən işlənməyə başlayıb. İstismar müddətində “Neft Daşları” və “Palçıq Pilpiləsi” yataqlarından 173 mln. tondan çox neft hasil edilib. Yataqların təxminən 30 mln. ton qalıq neft ehtiyatı var.
