2007-ci ildən 2014-cü il fevralın 20-nə qədər Azərbaycan Respublikası Dövlət Neft Fonduna (ARDNF) “Şahdəniz” layihəsinn icra edilməsindən daxil edilən vəsaitin həcmi 1 mlrd 623 mln 800 min dollar təşkil edib. Bu haqda Trend agentliyinə ARDNF-dan məlumat veriblər.
ARDNF-dan həmçinin bildiriblər ki, cari ilin əvvəlindən fevralın 20-dək “Şahdəniz” layihəsi çərçivəsində Fonda 26,9 milyon dollar vəsait daxil olub.
Caspian Barrel-in məlumatına görə, Neft Fonduna indiyə qədər təqribən 101 milyard dollar vəsait daxil olub və 1 yanvar 2014-cü il tarixinə Fondun aktivləri 35 milyard 877 milyon 500 min dollar təşkil etmişdi. Yəni daxil olan vəsaitin təqribən 64% xərclənib.
