SOCAR (Azərbaycan Respublikası Dövlət Neft Şirkəti) yanvar ayında Novorossiysk limanından Bakı-Novorossiysk neft kəməri ilə ixrac edilmiş 84,739 min ton neft yola salıb ki, bu da ötən ilin analoji dövrünün göstəricisindən 32 dəfə çoxdur.
SOCAR-ın yaydığı məlumata görə, 2013-cü ildə “şimal” marşrutu ilə 1 mln. 751,023 min ton neft ixrac edib.
Qeyd edək ki, Azərbaycan 1997-ci ildən öz neftini Bakı-Novorossiysk kəməri ilə nəql edir.
Azərbaycan və Rusiya arasında Bakı-Novorossiysk neft kəməri ilə Azərbaycan neftinin nəqli haqqında müqavilə 2014-cü il fevralın 14-nə qədər qüvvədədir.
