Türkiyənin Enerji və Təbii ehtiyatlar naziri Taner Yıldız bildirib ki,əgər Beynəlxalq Arbitraj Məhkəməsi Türkiyənin İrana qarşı qaz qiyməti iddiasını təmin edərsə, ölkəsi 2 milyard dollar vəsait əldə edə bilər.
Nazirin sözlərinə görə, Ankara ümid edir ki, məhkmə Türkiyənin xeyrinə qərar çıxardacaq.
2012-ci martında Ankara Beynəlxalq Arbitraj Məhkəməsinə İrandan idxal edilən qazın qiymətinə görə müraciət edib.
10 milyard kub metr qazın tədarükü barədə saziş İran və Türkiyə arasında 1996-cı ildə imzalanmışdı.
Qazın qiyməti rəsmən açıqlanmır, ancaq Türkiyə KİV-nin verdiyi məlumata görə min kub metr qazın qiyməti 490 dollar cıvarındadır.
BP-nin statistikasına görə, Türkiyə İrandan 2012-ci ildə 7.5 milyard kub metr qaz idxal edib. Əvvələr Taner Yıldız məlumat vermişdi ki, Türkiyə İrandan 4.5 milyard dollarlıq qaz idxal edib.
