Fransanın neft və qaz nəhəngi Total qərara alıb ki, Xəzər dənizindəki ən böyük qaz layihəsini yaxın zamanlarda tərk etsin.
Enerji bazarı üzrə ixtisaslaşan “Energy Intelligence” bu gün məlumat yayıb ki, Total şirkəti “Şahdəniz” layihəsindəki və Cənubi Qafqaz Boru kəmərindəki (SCP) paylarını tamamilə satmaq qərarına gəlib. Xatırladaq ki, Fransa şirkətinin bu layihələrin hər birində 10% payı vardı.
Caspian Barrel bildirir ki, hazırda Total 40% payla digər iri qaz layihəsində – “Abşeron” yatağının işlənmsində operator kimi qalmaqdadır. Bu yatağın açılmasında Fransa şirkətinin müstəsna xidmətləri olub və 2011-ci ildə Xəzərin Azərbaycan sektorunda Şahdənizdən sonra ikinci iri qaz-kondensat yatağı açılıb. Ancaq onun işlənməsi 2020-ci ildən sonrakı dövrü əhatə edəcək.
Xatırladaq ki, Total 2013-cü il dekabrın əvvəllərində TANAP layıhəsinə daxil olmaqdan da imtina etmişdi.
