2014-cü il üçün Azərbaycanın dövlət büdcəsində kəsir rekord həddə proqnozlaşdırılıb – 1 milyard 679 milyon manat və ya hazırkı kursla $2,14 milyard.
Maraqlıdır ki, hökumət parlamentə hələlik bir məlumat verməyib ki, indiyə qədər görünməmiş bu həcmdə büdcə kəsirini hansı mənbələrin hesabına ört-basdır etmək fikrindədir.Qeyd edək ki, cari ilin büdcə proqnozlarına görə də dövlət büdcəsinin kəsiri var, ancaq cəmi 691 milyon manat çıvarındadır ki, o da çox güman ki, ilin sonunda bu həddə olmayacaq.
Elə isə hökumət hansı mənbələrin hesabına bü cür böyük məbləğdə büdcə kəsirini bağlaya bilər. Adətən bu hallarda özəlləşdirmədən gələn gəlirlər, qiymətli kağızlar və sair kimi vasitələrdən istifadə edilir. Ancaq bunlar heç də yetərli deyil.
Bu baxımdan Caspian Barrel-in diqqətini çəkən bir məqam odur ki, büdcə-2014 layihəsində büdcə təşkilatlarının kommunal xərcləri kifayət qədər artırılıb.
Bunun üçün aşağıdakı cədvələ diqqət yetirək:
Yanacaq xərclərinın 39,5%, elektrik enerjisinin isə 25,5% artması nəzərdə tutulur. Digər kommunal xidmətlər xərcinin isə fantastik həddə – 488% artırılması təklif edilir. Sual olunur – əgər yeni təsdiq edilmiş hökumətdə elə bir ciddi struktur dəyişikliyi edilməyibsə, yeni bir qurumların yaradılması gözlənilmirsə, onda bu qədər xərclərin artımı nə ilə bağlı ola bilər? Demək 2014-cü ildə elektrik enerjisinə, avtomobil yanacağına, təbii ki, ictimai nəqliyyatda gediş haqlarının artmasına hökumət indidən büdcədə yer ayırıb. Əgər baaşqa izahı varsa, onda hökumətin mövqeyini bölüşməyə hazırıq.
