Rusiya

Azərbaycan ərazisi ilə Rusiyadan İrana elektrik enerjisinin nəqli gələn il reallaşa bilər

Azərbaycan, Rusiya və İranın elektrik enerjisi sistemlərinin birləşdirilməsi üzrə üçtərəfli işçi qrupunun növbəti iclası keçirilib. 

“Report” bu barədə Rusiyanın Energetika Nazirliyinə istinadən xəbər verir.

Məlumata görə, iclasda 3 ölkənin energetika nazirlərinin müavinləri – Natiq Abbasov, Anatoli Yanovski və Xomayun Xaeri iştirak ediblər.

Danışıqların əsas mövzusunu sözügedən layihənin texniki-iqtisadi əsaslandırılması üzrə əsas aspektlərinin razılaşdırılması təşkil edib. Tərəflər 3 ölkənin inteqrasiya olunmuş elektrik enerjisi şəbəkəsində enerji nəqlinə dair xüsusi təkliflərin hazırlanması prosesinin sürətləndirilməsi, 2019-cu ildə Azərbaycan ərazisi ilə Rusiyadan İrana elektrik enerjisinin nəqli imkanlarının nəzərdən keçirilməsi barədə razılıq əldə ediblər.