logo

Neft Fonduna ACG-dən daxilolmalar nə qədər azalıb – Caspian Barrel-in araşdırması

Views: 97

gelir-yoxdu

Azərbaycan Dövlət Neft Fondu (ARDNF) 2015-ci ilin yanvar-iyun ayları ərzində “Azəri-Çıraq-Günəşli” (AÇG) layihəsi üzrə gəlirlərini açılqlayıb.

İyun ayında Neft Fondunun AÇG-dən əldə etdiyi mənfəəət neftinin gəlirləri 650 milyon ABŞ dolları cıvarında olub. Bu göstərici may ayında isə 549 milyon dollar olmuşdu. İyun ayında gəlirlərin artmasına əsasən hasilat amili təsir edib. Belə ki, mayda 10 gün AÇG blokundakı ən məhsuldar hasilat platformalarından biri – “Qərbi Azəri” modernizasiya məsələləri ilə əlaqədar tamammilə işləri dayandırmalı olmuşdu (hasilat iyunun 6-da vaxtından əvvəl bərpa edildi). Bu zaman gündəlik hasilat təqribən 130 min barelədək azalmışdı.

2015-ci ilin I yarım ilində Neft Fondu AÇG yataqlar blokundan 3 milyard 721 milyon ABŞ dolları dəyərində gəlir əldə edib.

Caspian Barrel öz məlumatlarına istinadən xatırladır ki, 2014-cü ilin yanvar-iyununda ARDNF-in ACG üzrə ancaq mənfəət neftindən əldə etdiyi gəlir 7 milyard 780 milyon ABŞ dolları idi (bu layihə üzrə mənfəət neftindən əlavə digər gəlirlər də mövcuddur – C.B). Bu hesabla cari ilin 6 ayında Fondun AÇG üzrə gəlirləri 52,8% azalıb.

Fonda daxilolmaların yarıdan çox azalması neft qiymətlərinin kəskin aşağı düşməsi faktoru ilə bağlıdır.

SOCAR-ın Marketinq və İqtisadi Əməliyyatlar İdarəsinin yaydığı orta aylıq BTC FOB Ceyhan markalı neftinin qiymətlərinə nəzər salaq ($/barrel):

Aylar 2015 2014
Yanvar 49,53 108,76
Fevral 59,99 110,94
Mart 57,33 109,53
Aprel 61,42 109,74
May 65,16 111,42
Iyun 62,73 113,21
Orta qiymət 59,36 110,60

 Yəni bu cədvəldən göründüyü kimi, cari ilin birinci yarısında Azərbaycanın ixrac etdiyi neftin qiyməti faktiki olaraq 2014-cü ilin müvafiq dövrü ilə müqayisədə 46,3% azalıb. Neft Fonduna AÇG-gələn gəlirlərin bir qədər də azalmasına isə 6 ay ərzində hasilatın müəyyən qədər aşağı enməsi səbəb olub.

Qeyd edək ki, SOCAR-ın özünün rəsmən açıqladığı məlumata görə, cari ildə AÇG üzrə neft hasilatı təqribən 700-800 min ton azalmalıdır.

Caspian Barrel 2015-ci ilin ilk rübübnün nəticələrinə görə xatırladır ki, Neft Fondunun neft və qaz gəlirləri maddəsi üzrə AÇG-nin payı 96% təşkil edir,  AÇG-nin payı ümumilikdə Neft Fondunun daxilolmalarında isə təqribən 92% ətrafındadır.

Fondun aşıqlamasına görə, 2001-ci ildən etibarən AÇG bloku üzrə əldə olunan ümumi gəlirlər 114 milyard 118 milyon ABŞ dolları təşkil edib.

Comments: 0

Your email address will not be published. Required fields are marked with *

0

Your Cart