2017-ci il üçün yanacaq-enerji balansının proqnoz göstəricləri müzakirə edilib

Energetika Nazirliyində “Azərbaycan Respublikasının 2017-ci il üçün Yanacaq-Enerji balansı”nın proqnoz göstəricilərinə dair müzakirələr aparılıb.

Financial data in form of charts and diagrams

Financial data in form of charts and diagrams

Qurumun mətbuat xidmətindən Caspian Barrel-ə bildiriblər ki, Nazirlər Kabineti, İqtisadiyyat Nazirliyi, “Azərenerji” ASC və SOCAR-ın nümayəndələrinin iştirakı ilə ölkədə neft-qaz hasilatı, elektrik enerjisinin istehsalı, ixrac-idxal imkanları təhlil edilib və gələn il üçün yanacaq-enerji balansının proqnoz göstəriciləri müəyyənləşdirilib.

Qeyd olunub ki, yanacaq-enerji balansının proqnoz göstəriciləri tərtib olunarkən ölkəmizin enerji resurslarına olan tələbatının tam ödənilməsi, idxaldan asılılığa son qoyulması, enerji təhlükəsizliyinin, yanacaq-enerji kompleksinin etibarlı və fasiləsiz işinin təmin edilməsi kimi daxili enerji siyasətinin mühüm istiqamətləri əsas götürülüb.

Sənədin təsdiq üçün Nazirlər Kabinetinə göndərilməsi qərara alınıb.