“Altın Asır” telekanalı Qurbanqulu Berdimuhamedov çıxışına istinadən bildirir ki,Türkmənistan 2015-ci ildə qaz hasilatını 9% artıraraq 83.3 milyard kub metrə çatdırmaq istəyir.
Türkmənistan İran, Rusiya və Çinə qaz ixrac edir və 2015-ci ildə ümumilikdə 48 milyard kub metr qaz ixrac etmək istəyir.
Prezidentin sərancamı ilə “Türkmənqaz” dövlət konsernin başçısı vəzifəsinə Aşirquli Beqliyev təyin edilib.
Telekanal xəbər verir ki, əvvəlki rəhbər Çarı Xommadov başqa işə keçməsi ilə əlaqədar olaraq vəzifəsindən azad edilib.
Türkmənistan qaz hasilatını növbəti 20 il ərzində 3 dəfə artırmaq və Avropa, Pakistan və Hindistan bazarına da daxil olmaq istəyir.