SOCAR “Özbəkneftqaz” arasında növbəti memorandum imzalanıb

“Özbəkneftqaz” şirkətinin Azərbaycanda mümkün fəaliyyət istəqamətlərinin müəyyənləşdirilməsi məqsədi ilə bu şirkətlə SOCAR arasında Memorandum imzalanıb. Bu barədə SOCAR-ın saytında məlumat verilir.

Sənədi SOCAR-ın prezidenti Rövnəq Abdullayev və “Özbəkneftqaz” şirkətinin İdarə Heyətinin sədri Alişer Sultanov imzalayıblar.

“Özbəkneftqaz” şirkətinin nümayəndələri “Xəzər Neft və Qaz -2017” sərgi-konfransında iştirak edirlər.

R.Abdullayev enerji sahəsində əməkdaşlığın dərinləşdirilməsinin, birgə neft-qaz əməliyyatlarının aparılması üçün perspektivlərin araşdırılmasının SOCAR-da diqqət mərkəzində olduğunu qeyd edib.

Qeyd edək ki, bundan əvvəl SOCAR-la “Özbəkneftqaz” şirkəti arasında əməkdaşlığa dair memorandum mayın 16-da Daşkənddə imzalanmışdı. Sənəd Rövnəq Abdullayevin Özbəkistan paytaxtında neft-qaz sərgisində iştirakı zamanı baş tutmuşdu. Daha bir sənəd isə 2015-ciu ildə sənəd imzalanmışdı.