Üç şirkət – Azərbaycanın dövlət neft şirkəti SOCAR, treyder “Gunvor” və BƏƏ-nin “Bin Butti Group” şirkəti İtaliyanın “Italiana Petroli” (İP) neft emalı zavodu üçün yekun təklifləri gələn həftə təqdim etməyi planlaşdırır. Bu barədə mayın 27-də “Reuters” agentliyinə sövdələşməyə yaxın mənbələr məlumat verib.
IP, həmçinin “API Group” adlanır, Brachetti-Peretti ailəsinə məxsusdur və “UniCredit” bankı tərəfindən satışa hazırlanır. Şirkət gündə təxminən 200 min barel neft emal edir və 4600 yanacaqdoldurma məntəqəsi şəbəkəsini idarə edir.
İtaliyanın “La Repubblica” qəzetinin məlumatına görə, ƏM-in dəyəri 2,3-2,5 milyard avro qiymətləndirilir və SOCAR əsas namizəd hesab olunur. Gunvor və SOCAR bu yaxınlarda tenderə qoşulan Bin Buttidən daha uzun müddətdir satın alma imkanlarını araşdırırlar.
Reuters daha əvvəl bildirmişdi ki, ƏM üçün yekun təkliflər mayın sonuna qədər gözlənilirdi, Glencore də mümkün iddiaçı kimi göstərilib. İP, SOCAR, Gunvor və Bin Butti nümayəndələri məlumatı şərh etməkdən imtina ediblər.
