“Azerbaijan Gas Supply Co.” şirkəti (“Şahdəniz” yatağından hasil edilən qazın satışı ilə məşğul olur) ötən həftə texniki problemlər ucbatından hasilatı müvəqqəti dayandırmış “Alfa” dəniz platformasında bərpa işlərinin başa çatdırılmaması səbəbindən Azərbaycan təbii qazının Avropaya tədarükünün yanvarın 19-dək tam bərpa edə biləməyəcəyi haqda məlumat yayıb.
Şirkətin saytından Azərbaycan qazının Avropaya ixracının tam bərpa edilmə müddəti yanvarın 19-u saat 4-dək uzadılması məlum olur.
Öz növbəsində BP-nin Bakı ofisi təfərrüatları açıqlamadan bildirib ki, “Alfa” platformasında hasilatın və ixracın bərpası üzrə işlər çərşənbə axşamı günü davam edib.
Yanvarın 10-da BP-dən bildiriblər ki, Azərbaycanın ən böyük təbii qaz yatağı olan “Şahdəniz”dəki iki platformadan biri olan “Alfa”da hasilat sualtı kondensat boru kəmərində texniki nasazlıq aşkar edildiyindən müvəqqəti dayandırılıb. Platforma “Şahdəniz”dən hasilatın təxminən 40%-ni təmin edir. BP məlumatlarına görə, hazırda hasilat və ixrac Bravo platforması vasirtəsi ilə davam etdirilir.
Qeyd edək ki, Azərbaycan qazı qonşu Gürcüstan və Türkiyə ilə yanaşı Avropanın 10 ölkəsinə də ixrac edilir.
“Bloomberg” agentliyi
