2003-cü ildən 2021-ci il martın 31-dək Azərbaycan Dövlət Neft Fondundan (ARDNF) dövlət büdcəsinə transfertlərin ümumi həcmi 114 milyard 654 milyon manat təşkil edib.
Fonddan verilən məlumata görə, həmçinin, 2021-ci ilin yanvar-mart aylarında ARDNF-dən dövlət büdcəsinə transfertlərin həcmi 2 milyard 513,7 milyon manat təşkil edib.
ARDNF 2003-cü ildən dövlət büdcəsinə transfertlər həyata keçirməyə başlayıb.
ARDNF Azərbaycan Prezidentinin 29 dekabr 1999-cu il tarixli fərmanı ilə yaradılıb və dövlət başçısına hesabat verən büdcədənkənar dövlət təsisatıdır. Fondda neft müqavilələrinin reallaşmasından, əsasən dövlətin mənfəət neftinin satışından, ölkə ərazisində neft və qaz nəqlinə görə tranzit tariflərindən, dövlət əmlakının icarəsindən daxil olan gəlirlər toplanır.
Caspian Barrel
