“Azerbaijan British College” (ABC) Britaniya Beynəlxalq Məktəblər Şurasının (COBIS) Azərbaycanda tam üzvlük hüququna layiq görülmüş yeganə məktəbdir. ABC Azərbaycanda və Xəzərsahili ölkələrdə bu hüququ qazanan yeganə məktəb olmaqla yanaşı, Beynəlxalq Məktəblər Şurası (CIS) tərəfindən də tam akkreditasiya olunub. Bu bütün “Azerbaijan British College” Təhsil Kompleksi icması üçün qürürverici bir hadisədir
Caspian Barrel xəbər verir ki, ABC CIS-in bütün standartlarına cavab vermək üçün akkreditasiya prosesinə 2018-ci ildən hazırlaşmış və ən yaxşı təhsil təcrübəsini təqdim etmək üçün CIS-lə birlikdə çalışıb. İki il ərzində məktəb özünüqiymətləndirmə üzərində çalışmış və tədrisi, eləcə də məktəb sisteminin keyfiyyətini artırmaq üçün akreditasiya öncəsi müxtəlif yoxlamalar keçirilib. Bu prosesin yekunu olaraq ötən ilin sonlarında CIS-in 5 rəsmi şəxsi tərəfindən ABC-nin yekun qiymətləndirilməsi aparılıb. Onlar bir həftə ərzində dərsləri müşahidə etmiş, heyət üzləri, valideyn qrupları, idarə heyətinin üzləri və şagirdlər ilə söhbət aparıblar. CIS Məktəb Dəstək Qrupu və Qiymətləndirmə Xidməti onların qeydlərini CIS-in baş ofisinə göndərmişdir.
CIS fevralın 2-də məktəbin direktoru Mr.Carl Landerlə əlaqə saxlayıb ABC-nin CIS tərəfindən tam akkreditasiya aldığını bildirib. Chris Durbin Beynəlxalq Akkreditasiyanın direktoru öz şərhində bildirib ki, inkişaf etdirməli olduğumuz sahələr çoxdur, lakin bunlar məktəbin hazırkı nailiyyətlərlə müqayisədə daha azdır.
Məktəbin direktoru C.Lander qeyd edib: “ABC-nin inkişafından çox məmnundur. COBIS üzvlüyü, indi isə CIS akkreditasiyasına layiq görülməyimiz göstərdi ki, ABC beynəlxalq qurumlar tərəfindən təhsildə dünya səviyyəli standartlar təqdim edən bir məktəb kimi tanınıb. Bu bizim Azərbaycan kurikulumuna sadiq olmaqla yanaşı, ABC-nin beynəlxalq təhsil standartları səviyyəsinə çatdırılması üçün Azərbaycanın aparıcı bir qurumuna çevrilməsi yolunda ilk addımımızdır. Bu uğur komanda işini təmsil edir və müəllim heyəti, eləcə də inzibati heyətin eyni məqsəd üçün çalışmasını göstərir”.
ABC-nin baş meneceri Ələkbər Ələkbərov deyib ki, bütün heyət üzvləri yerinə yetirdiyi işin vacibliyini başa düşür. Görkəmli bir məktəb olmaq üçün işçi heyətinin hər bir üzvü öz funksiyasını dəqiq yerinə yetirməlidir: “Məktəb “Sync 24” adlanan yeni layihəyə başlayıb. Bu layihə qısa müddətdə güclü reaksiya doğurdu, sosial mediada paylaşılan videolar rezonans yaratdı və tezliklə bu layihə haqqında ətraflı məlumat veriləcək. “Sync 24” məktəbin inkişaf prioritetlərini müəyyənləşdirmək, önümüzdəki 3 il üçün strateji inkişaf planı qurmaq məqsədilə valideynlərin və daha sonra bütün icmanın birlikdə çalışması ideyasını təmsil edir. Hazırda maraqlı bir dövrdə yaşayırıq. Mövcud COVID pandemiyası uşaqların təhsil almasını çətinləşdirsə də, ABC-nin Azərbaycanda Britaniya və Beynəlxalq Təhsil üçün seçilən öncül məktəb olduğunu göstərməyi bacarmışıq. Bu da, zənnimcə, mühüm nailiyyətdir”.
